Андижонда тижоратда пора эвазига оғдириб олиш ҳолати фош бўлди

 

Бош прокуратура ҳузуридаги Иқтисодий жиноятларга қарши курашиш департаменти ахборот хизмати хабарига кўра, департаментнинг Андижон вилоят бошқармаси томонидан тадбиркорлик субъектларининг ҳуқуқларини ҳимоя қилиш юзасидан тезкор тадбир ўтказилди.

 

Маълум қилинишича, “T.” МЧЖ раҳбари М.А., вилоят Иқтисодий суднинг қарорига асосан “Т.”МЧЖ ҳисобидан “И” МЧЖ фойдасига ундирилиши лозим бўлган 184 миллион сўмни ўтказиб бериш эвазига “И” МЧЖ раҳбаридан 5 000 АҚШ долларини олган вақтида ашёвий далиллар билан ушланган.

 

Мазкур ҳолат юзасидан Жиноят кодексининг 192-9-моддаси (тижоратда пора эвазига оғдириб олиш) билан жиноят иши қўзғатилиб, тергов ҳаракатлари ўтказилмоқда.

 

 Эслатиб ўтамиз, аввалроқ фуқароларни ўқишга киритиб қўйишни ваъда қилган "уддабуронлар", Қўқон шаҳрида ИИО ходимига пора бермоқчи бўлган шахс қўлга олингани, Хонободда ноқонуний ер майдонини сотганлар аниқлангани ҳамда Бухорода 10 минг доллар эвазига уй-жой қуриш учун ер олиб бермоқчи бўлган шахс ушлангани ҳақида хабар берилганди.