АҚШ разведка хизматлари коронавируснинг келиб чиқиши ҳақида охирги тўхтамга келди
Унда Хитойга қўйилаётган айбловлардан бири рад этилган.
АҚШ разведка хизматлари коронавирус биологик қурол сифатида яратилмаганини маълум қилди. Шу мазмундаги ҳисобот АҚШ миллий разведкаси директори аппарати сайтида эълон қилинди.
Шу билан бирга, аксарият разведка агентликлари SARS-CoV-2 генетик жиҳатдан модификация қилинмаганини эътироф этган. Шу билан бирга икки махсус хизмат аниқ хулосага кела олмаган.
Шу билан бирга, аналитиклар коронавирус келиб чиқишининг ҳар икки версияси — табиий ва лабораторик келиб чиқишни ҳам ҳақиқатга яқин сифатида баҳолаган. Вируснинг лабораториядан чиқиб кетганлиги тўғрисидаги тахминларни АҚШнинг фақат битта махсус хизмати илгари сурган, аммо унинг номи ҳисоботда келтирилмаган.
Разведка хизматлари ковид билан касалланиш илк бор 2019 йилнинг ноябрида қайд этилганини маълум қилган. Шу билан бирга Ухань вирусология институти олимлари янги турдаги вирус мавжуд эканини аниқламагунча, Хитой бу ҳақда умуман маълумотга эга бўлмагани таъкидланган.
Бундан аввал коронавирус Уханда 2019 йилнинг ёзида тарқалган бўлиши мумкинлиги ҳақида хабар қилинганди.
