АҚШда 20 йил асирликда сақланган эркак қутқарилди
У қочиш учун уйига ўт қўйган.
АҚШнинг Коннектикут штатида инсониятни ларзага солувчи жиноят фош этилди. 32 ёшли эркак 11 ёшидан буён ўгай онаси томонидан уйида асирликда сақланган. Узоқ йиллар давомида зўравонлик ва таҳқирларга учраган жабрланувчи уйда ёнғин содир бўлгач, полиция ходимлари томонидан топилган.
Тергов натижаларига кўра, жабрланувчи деярли ўн икки йил давомида жисмоний ва руҳий азобларни бошдан кечирган, мунтазам равишда очлик ва тиббий эътиборсизликка дуч келган. У қочиш мақсадида қасддан ёнғин чиқарганини тан олган.
Полиция 56 ёшли Кимберли Сулливанни одам ўғирлаш ва қийноқларда айблаб ҳибсга олган. Ҳозирда жабрланувчи реабилитация жараёнидан ўтмоқда. Мутахассисларнинг таъкидлашича, унинг йўқотган 20 йилини тиклаш мушкул бўлади.
