0
АҚШда торнадо биноларни вайрон қилди
Американинг Пенсильвания штатида кучли торнадо бир неча бинони вайрон қилди, 5 киши жароҳатланган.
Бу ҳақда маҳаллий Bucks County Courier Times газетаси хабар қилмоқда.
“Ҳаммаси кинодагидек бўлди. Худди бомба портлагандай”, - дейди маҳаллий жамоат хавфсизлиги хизмати раҳбари Фред Харран.
Округдаги камида етти минг аҳоли электр таъминотисиз қолди.
Олдинроқ Американинг Аляска штатида 8,1 магнитудали зилзиладан сўнг цунами хавфи эълон қилинган эди.
Жабрланганлар ва қурбонлар ҳақида маълумот йўқ.
