“Бавария”нинг 33 ёшли ҳужумчиси Роберт Левандовски «Барселона»га ўтишга яқин турибди. Бу ҳақда журналист Фабрицио Романо ижтимоий тармоқдаги саҳифасида хабар берди.
Манбага кўра, “Барселона” “Бавария” футболчисининг трансфери бўйича янги таклиф тайёрламоқда.
Трансферга Каталония клуби президенти Жоан Лапорта ва Левандовскининг агенти Пини Захави ўртасидаги яхши муносабатлар ёрдам бермоқда. Улар ўтиш шартлари бўйича оғзаки келишувга эга.
Эслатиб ўтамиз, 2021/2022 йилги мавсумда Левандовски “Бавария” сафида барча мусобақаларда 45 та ўйинда майдонга тушиб, 48 та гол урди ва 6 та голли узатмани амалга оширди.