АҚШ ва Хитой ўртасидаги “қаттиқ рақобат” янги совуқ урушга олиб келмаслиги керак. Бу ҳақда АҚШ президентининг миллий хавфсизлик бўйича маслаҳатчиси Жейк Салливан айтиб ўтди.
Салливан Австралиянинг Лоуи иститутида сўзлаган нутқида АҚШ Афғонистонни Ҳинд ва Тинч океани минтақасига катта эътибор бериш мақсадида тарк этганини маълум қилган. Шунингдек, унинг қўшимча қилишича. Вашингтон ушбу минтақада низолар юз беришини минимум даражага камайтирмоқчи.
“Хитой ва АҚШ ўртасида янги совуқ уруш бошланиши ҳамда бизнинг низога қараб кетаётганлимиз тўғрисидаги хабарларга келсак, бизда бу йўлни танламаслик имконияти бор”, – деган Оқ уй амалдори.
Салливан Хитой билан муносабатларни “қаттиқ рақобат”” сифатида баҳолаган. Унинг фикрича, Вашингтон ва Пекинни иқтисодиёт ва технологиялар соҳасида кучли рақобат кутмоқда. Шу билан бирга у Хитойнинг келажакдаги халқаро тузилмаларда муҳим фактор бўлишини тан олган.
Аввалроқ Пентагон Хитой яқин йиллар ичида АҚШни ҳарбий қудрат бўйича ортда қолдириши мумкинлигини айтганди. Шунингдек, Хитой янги гипертовушли қурол синовини ўтказгани ҳақида хабар қилинганди.
Жаҳонгир Қўзиев