“Ҳақиқатдан ҳам транспорт соҳасида муаммолар бор. Амалдаги қонунчиликка мувофиқ транспорт воситалари ҳаракати интервалга риоя қилган ҳолда ҳаракатланиши шарт. Айрим ҳудудларда инфратузилма талаб даражасида ташкил қилинмаган. Баъзи жойларда ҳатто бекатлар ҳам йўқ”, деган агентлик директори ўринбосари Аъзам Қурбонов.
Жорий йилда транспорт масаласида истеъмолчилардан 110 та мурожаат келиб тушган. 2021 йилда кенг муҳокамаларга сабаб бўлган метро ҳаракати бўйича эътирозлар ҳам ўрганиб чиқилган. Қайд этилишича, метрополитендан фойдаланиш бўйича ҳукуматга норматив-ҳуқуқий ҳужжат қабул қилиш юзасидан таклиф киритилган.
Шунингдек, ҳозирда яна бир муаммоли соҳа –– йўналишли таксилардаги ҳолатлар ўрганилмоқда ва бу ҳақда яқин кунларда ҳисобот эълон қилинади.
Бундан аввал Ўзбекистонда тотализаторларнинг ноқонуний рекламаси кўпайгани ҳақида хабар қилинган эди.
Жаҳонгир Қўзиев