Еврокомиссия раҳбари Урсула фон дер Ляйен “Украина можаросидаги роли” учун Беларусга нисбатан янги санкциялар қўллашга ваъда берди.
Унинг сўзларига кўра, Россиянинг Украинадаги ҳаракатларини ҳарбий жиҳатдан қўллаб-қувватлаганларга қарши жазони кенгайтириш керак.
“Бу, масалан, Беларус ёки Эрон бўлиши мумкин. Биз Минскка қарши янги санкциялар билан олдинга силжиймиз”, — деди ЕК раҳбари.
Аввалроқ республика президенти Александр Лукашенко Беларус Украина ҳудудида жанговар ҳаракатларга киришиш ниятида эмаслигини, Россия ҳам ундан буни талаб қилмаётганини айтганди. У, шунингдек, “Ғарб давлатлари бизни барча гуноҳларда айблаган ва айблашда давом этяпти, улар гарчи ўзлари ҳам «қулоғигача» бу можарога аралашган бўлсалар ҳам, ҳар қандай йўл билан Беларусни бу можарога тортишга ҳаракат қилмоқда,”, деган эди.