Белград дунёдаги ҳавоси энг ифлосланган шаҳарга айланди
Ҳавода заҳарли моддалар миқдори критик даражага етган.
Сербия пойтахти Белградда ҳавонинг ифлосланиши критик даражага етди. Бу ҳақда “ТАСС” нашри ёзмоқда.
Қайд этилишича, лобораториялар Белград устидаги майда PM2.5 зарралари миқдори меъёрдан бир неча баравар ошганини аниқлади. Бу инсон саломатлиги учун хавфли. Айниқса, астма каби касалликка чалинганларнинг нафас олиши қийинлашади.
Белград айни вақтда дунёнинг энг ифлосланган шаҳарлари орасида биринчи ўринни эгаллаб турибди. Мутахассисларнинг фикрича, юқори намлик ҳавода зарарли моддаларнинг тўпланишига хизмат қилмоқда.
Эслатиб ўтамиз, 2021 йилда Сербия президенти Александр Вучич расмийлар мамлакатдаги ҳаво ифлосланиши муаммосини 7 йил ичида ҳал қилишини, 2030 йилга бориб эса республика экологик муаммоларни ҳал қилиш учун 5 миллиард евро ажратишини айтганди.
