Блинкен: АҚШ ва Хитой муносабатларида "ҳарорат" бироз пасайди
АҚШ давлат котиби икки давлат ўртасида рақобат кетаётганини, аммо бу низо эмаслигини маълум қилган.
АҚШ ва Хитой муносабатларидаги "ҳарорат" бироз пасайди. Бу ҳақда Қўшма Штатлар давлат котиби Энтони Блинкен Чикаго университетидаги чиқишида маълум қилди.
"Ҳа, менимча, шундай. Чунки олдин айтганимдек, биз кўп учрашамиз, кўп мулоқот қиламиз. Натижа эса айнан шундай бўлади", — деган АҚШ бош дипломати.
Унинг қўшимча қилишича, Байден хитойлик ҳамкасби Си Цзиньпин билан "катта йигирматалик"нинг Балидаги саммитида узоқ ва конструктив руҳда мулоқот қилган. Шу билан бирга, Блинкен дунёнинг кўплаб давлатларига сафари вақтида ушбу мамлакатларнинг Пекин ва Вашингтон мулоқотига эҳтиёжини сезганини таъкидлаган.
Давлат котиби икки гигант давлат ўртасида мусобақа кетаёганини, аммо мусобақа ва низо бошқа-бошқа тушунча эканини айтган.
