БМТ: 100 мингга яқин одам Ливандан Сурияга қочган
Сурия билан чегарага келаётган одамлар оқими тўхтамаяпти.
БМТнинг қочқинлар бўйича Олий комиссари Филиппо Грандининг сўзларига кўра, Исроилнинг Ливандаги Ҳизбуллоҳ ҳаракатига қарши ҳарбий амалиёти бошланганидан бери, Сурия билан чегарага келаётган одамлар оқими тўхтамаяпти. Бирлашган Миллатлар Ташкилоти ходимлари маҳаллий ҳокимият ва Қизил Ярим Ой жамияти ходимлари томонидан қўллаб-қувватланадиган тўртта назорат пункти фаолият олиб боради. Қайд этилишича, қочқинларнинг 60 фоизга яқини сурияликлар, қолганлари ливанликлардир.
Аввалроқ Ливан бош вазири Нажиб Микати Исроилнинг йирик ҳаво ҳужумлари бошланганидан кейин уйини ташлаб кетганлар сони бир миллионга яқинлашганини айтган эди. У буни "Ливан тарихидаги аҳолининг энг катта кўчиши" деб атади.
