БМТ бош котиби Путинга илтимос билан чиқди
Шунингдек, у урушнинг даҳшатли оқибатларидан огоҳлантирган.
Россиянинг Украина шарқидаги махсус операцияси БМТ Устави тамойилларига зид ва уни ўтказишдан маъно йўқ. Бу ҳақда ташкилот бош котиби Антониу Гутерриш маълум қилди.
У РФ президентига мурожаат қилиб “Президент Путин, бутун инсоният учун, қўшинларингизни Россияга қайтаринг”, – деган. Шу билан бирга у айни вазият унинг ташкилот бош котиби сифатидаги фаолиятининг энг аянчли пайти эканини айтган.
Гутерришнинг сўзларига кўра, агар уруш тугамаса, Европада гуманитар вазият ҳалокатли даражага етади.
Маълумот ўрнида: Россия 24 февраль куни Украина шарқида махсус операция ўтказишни бошлади. Ҳозирда Украинанинг кўплаб ҳарбий объектларига авиазарбалар берилган. Одессага Россия десанти туширилгани айтилмоқда.
Эслатиб ўтамиз, аввалрок Владимир Зеленский Украина аҳолисига мурожаат билан чиққанди.
