Бодрум қора тутун билан қопланди
Сайёҳлик мавсумида ўрмон ёнғини.
Бодрум аэропорти яқинида кучли ёнғин давом этмоқда.
Қутқарувчиларнинг сўзларига кўра, ёнғин йўл четида бошланган, шундан сўнг аланга ўрмонларга ўтган.
Ёнғиндан чиқаётган тутун дам олиш масканларигача етиб борди, у ерда кўплаб сайёҳлар бор. Шаҳарлар ва пляжлар тутун билан қопланган бўлиб, меҳмонхона хоналарига ҳам кириб борди. Ташқарида ҳаво ҳарорати 43 даража иссиқ. Тўққизта самолёт, 13 вертолёт ва 450 га яқин ўт ўчирувчилар алангага қарши курашга жалб қилинган.
