Боку Қорабоғ бўйича Ереванга шарт қўйди
Шартлар бажарилмагунча ҳарбий операция давом этади.
Тоғли Қорабоғда тинчлик ўрнатишнинг ягона йўли бу – арман қўшинларини тўлиқ олиб чиқиб кетиш ва Хонкендидаги режимни тарқатиб юборишдир. Бу ҳақда Озарбайжон Ташқи ишлар вазирлиги маълум қилди.
Озарбайжон Мудофаа вазирлиги Боку Ереван олдига қўйган шартлар бажарилмагунча ҳарбий амалиётларни давом эттиришга ваъда бермоқда.
“Ҳарбий операция Қорабоғдаги қуролли арман тўдаларини тўлиқ йўқ қилмагунимизча давом этади”, — дейилади хабарда.
Эслатиб ўтамиз, Озарбайжон 19 сентябрь куни Тоғли Қорабоғда конституциявий тузумни тиклаш учун “аксилтеррор чора-тадбирлари”ни бошлаган эди.
Аввалроқ Арманистон Озарбайжон Тоғли Қорабоғга қарши янги ҳарбий провокация қилиш учун чегарага қўшин тўплаётганини маълум қилганди.
