Италияда украиналик қочқинлар бўлган автобус ағдарилиб кетди
Ҳодиса оқибатида бир аёл ҳалок бўлган, бир неча киши жароҳатланган.
Италия шимолида украиналик қочқинлар бўлган автобус ағдарилиб кетди. Бу ҳақда Euronews хабар бермоқда.
Воқеа оқибатида бир киши ҳалок бўлди, дея хабар беради Италия давлат радиоси. Ҳодиса қурбони аёл бўлган. Яна бир неча киши жароҳатланган. Автобусда жами 50 га яқин йўловчи бўлган. Ҳалокат сабаблари ўрганилмоқда.
Бахтсиз ҳодиса Эмилия-Романя минтақасидаги Форли шаҳри яқинида содир бўлган. Воқеа жойида қутқарувчилар ишламоқда. Автобус қаерга кетаётгани номаълум.
Малумот учун: Украинадаги уруш туфайли 35 мингга яқин одам Италияга қочган. Эмилия-Романя вилояти аллақачон етти минг украиналик қочқинни қабул қилган.
