Британия яна Бош вазирсиз қоладиган бўлди
Лиз Трасс 44 кунлик лавозимини тарк этади.
Буюк Британия Бош вазири Лиз Трасс Консервативлар партияси ва Ҳукумат раҳбари этиб тайинланганидан икки ойдан камроқ вақт ўтиб истеъфога чиқишини маълум қилди. Бу ҳақда “РиаНовости” нашри ёзмоқда.
“Менга ишониб топширилган масъулиятини бажара олмайман. Шунинг учун мен қирол Чарлз ИИИ билан боғландим, унга Консерватив партия раҳбари лавозимидан кетаётганимни билдирдим”, — дейди Трасс хоним.
Лиз Трасс янги Бош вазир сайланмагунча Ҳукумат раҳбари бўлиб қолади. Унинг сўзларига кўра, Консерватив партиянинг янги етакчисини сайлаш келаси ҳафта бўлиб ўтади.
Эслатиб ўтамиз, Трасс 6 сентябрда Бош вазир лавозимига киришган. Сўнгги вақтларда Британия парламенти аъзолари орасида Тасснинг фаолиятидан норозилик кучайиб бораётган эди.
