Британияда қочқинлар ўта оғир шароитда сақланмоқда
Ҳуқуқ ҳимоячилари ҳукуматга мурожаат билан чиқди.
Юздан ортиқ хайрия ташкилотлари Буюк Британиядан миграцион сиёсатни ўзгартиришни сўради. Бу мурожаат Дувр шаҳрида ноқонуний мигрантлар жойлаштирилган пункт ёқиб юборилгандан кейин амалга оширилган.
“Бошпана сўраш бўйича мурожаатларни кўриб чиқиш муддатини тезлаштириш, халқаро ҳуқуқ нормаларига амал қилиш ва Бирлашган Қиролликда қолишга ҳаракат қилаётган одамлар учун қонуний шароитларни яратиб бериш зарур”, – дейилади мурожаатномада.
Британия парламентининг умумий палатаси аъзоси Роджер Гейлнинг сўзларига кўра, мигрантлар ўта оғир аҳволда сақланмоқда: миграцион марказлар тўлиб кетган, бу ерда касалликлар авж олмоқда. Масалан, Англия жануби-ғарбидаги Кент шаҳридаги марказ минг кишига мўлжалланган, аммо 4 минг киши яшамоқда.
Якшанба куни Дуврда номаълум эркак қочқинларни жойлаштириш марказига ўт қўйди ва кейинроқ ўз жонига қасд қилди.
