Будапешт Зеленский ва Путин учрашувига мезбонлик қилмоқчи
Венгрия бош вазири ҳамкасбларини Будапештда музокара ўтказишга таклиф қилди.
Венгрия бош вазири Виктор Орбан Россия президенти Владимир Путин билан телефон орқали суҳбатда унга Будапештда украиналик ҳамкасби Владимир Зеленский билан музокаралар ўтказишни таклиф қилди.
“Жавоб ижобий бўлди, бироқ Россия президенти унинг маълум шартлари борлигини айтмоқда”, — дея Орбаннинг сўзларини келтиради ОАВ.
Орбан, Франсия президенти Эммануел Маркон ва Германия канслери Олаф Шолсни ҳам музокаралар учун Венгрияга таклиф қилганини айтди.
Шунингдек, суҳбат чоғида Венгрия бош вазири Украинада ўт очишни тўхтатиш тарафдори эканини айтган.
Аввалроқ Европа дипломатияси раҳбари Жосеп Боррел Россия газидан воз кечиш масаласида Европа Иттифоқида якдиллик йўқлигини айтган эди.
