Будапештда 42 та машина иштирокида ЙТҲ содир бўлди
Автоҳалокат оқибатида 19 та автомобиль ёниб кетган.
Венгрия пойтахти Будапештдан 20 км ғарбда М1 трассасида йирик автоҳалокат содир бўлди. 42 та енгил автомобиль тўқнашиб кетди, улардан 5 таси юк, 37 таси енгил автомобиль. Бу ҳақда ТАСС хабар берди.
Пойтахт полицияси бош бошқармаси хабар беришича, 19 та автомобиль ёниб кетган, 40 га яқин киши жароҳатланган.
«39 киши касалхонага етказилди. Улардан 29 нафари катталар, 10 нафари болалардир. Катталардан 10 киши оғир жароҳат, 19 нафари енгил тан жароҳатини олган. 4 нафар бола оғир, 6 нафар бола енгил тан жароҳати олди», — деди Миллий тез ёрдам хизмати матбуот котиби Павел Дьёрфи.
Унинг сўзларига кўра, жабрланганларни эвакуация қилиш учун 4 та вертолёт ва 16 та тез тиббий ёрдам машинаси жалб қилинган.
Тез ёрдам бригадалари нафақат Будапештдан, балки Дьёра, Татабаньи ва Секешфехервара каби бошқа шаҳарлардан ҳам келган.
Полиция кучли шамол ва қум бўрони йўлни кўринмас ҳолга келтиргани ҳодисага сабаб бўлганини айтмоқда.
М1 йўли – Австрияга олиб борадиган автомагистралдир. Энди у ҳар икки йўналишда ҳам ёпиқ.
