Бугундан ОТМларга кириш тест синовлари бошланди

 

Бугун, 1 августдан, 2023-2024 ўқув йили учун олий таълим муассасаларига кириш тест синовлари бошланди. Тест синовлари 13 август куни тўлиқ якунланади.

 

Тест синовлари кунига икки сменада ўтказилмоқда:

 

1️⃣-смена — 08:00 дан 11:00 га қадар;

 

2️⃣-смена — 15:00 дан 18:00 га қадар.

 

Кириш тест синовлари республика бўйича 72 та бинода бўлиб ўтмоқда. Бунда:

 

🔹 бир сменада 1 274 та гуруҳда 38 220 нафар;

 

🔹 бир кунда (икки сменада) 2 548 та гуруҳда 76 440 нафар абитуриент тест синовида иштирок этиши кўзда тутилган.

 

Тест синовлари тўлиқ видеокузатув остида онлайн трансляция қилинган ҳолда ўтказилмоқда ва жараёнларни test2023.uz сайти орқали онлайн кузатиб бориш мумкин.