ОКМК бош мураббийи Миржалол Қосимов ОЧЛ 4-туридан ўрин олган "Сипоҳон"га (0:9) қарши ўйиндан кейин ўз фикрларини билдирди.
"Рақибни ҳақли равишда ғалабага эришгани билан табриклайман. Ўзига яраша муаммоларимиз етарли эди ва бу нарса бугунги ўйинда яққол кўринди. Қолаверса, футболчимизнинг (Акром Комилов) четлатилиши ҳам ўйинга ўз таъсирини кўрсатди. Тўғрисини айтадиган бўлсам, ўзим ҳам нимага бундай бўлганини тушунмай қолдим. Иккинчи бўлимда ўтказиб юборган голимиз қайсидур маънода ўз сўзини айтди ва кетма-кет «рикошет» голлар ўйин тизгинини бутунлай ўзгартириб юборди. Бу футболда учраб туради. Бундай ёмон натижа фаолиятимдаги биринчиси.
Эслатиб ўтамиз, Олмалиқ жамоаси 4 та турда ҳам очко тўплай олмади ва муддатидан аввал гуруҳда сўнгги ўринни эгаллаши маълум бўлди.