Бухорода мактаб ўқувчиси қудуққа тушиб ҳалок бўлди
Ҳолат юзасидан тегишли суриштирув ишлари олиб борилмоқда.
Бухоро вилоятининг Олот туманида 10 ёшли қиз мактабдан қайтаётганида ташландиқ қудуққа тушиб, ҳаётдан кўз юмди.
Ҳодиса 15 апрель куни Олот туманидаги 28-мактаб яқинида жойлашган ҳовлилардан бирида содир бўлган. 3-синфда ўқийдиган қизалоқ дугоналари билан дарсдан сўнг дўкон ҳовлисига кирган ва у ерда қаровсиз қолган сув қудуғига тушиб кетган.
Қизалоқнинг дугоналари зудлик билан мактабга хабар берган. Воқеа жойига етиб борган мактаб қоровули уни қудуқдан чиқариб олишга муваффақ бўлган, бироқ ўша заҳотиёқ ўзи ҳам кучли руҳий зарбадан комага тушган. Ҳозирда унинг аҳволи барқарорлашаётгани айтилмоқда.
Қиз зудлик билан шифохонага етказилган, аммо йўлда ёки шифохонага етгач ҳаётдан кўз юмган.
Воқеа жойига туман ҳокими, Фавқулодда вазиятлар бошқармаси раҳбари ва бошқа мутасаддилар етиб борган.
