Бухоролик аёл эрига жаҳл қилиб, қизларини калтаклади
Ҳолат юзасидан вилоят ИИБ маълумот берди.
Ижтимоий тармоқда аёл эгизак қизларини ҳақоратлаб, калтаклагани акс этган видеолар тарқалмоқда.
Ҳолат Жондор тумани Навгади МФЙ Маҳмуд Торобий кўчасида яшовчи фуқаро томонидан содир этилган.
Маълум бўлишича, аёлнинг эри бир неча йилдан буён Россия Федерациясида ишлаб келмоқда. Аёл эрининг улар ҳолидан хабар олмаётгани ва етарлича пул жўнатмаётганидан жаҳлланиб, вояга етмаган қизларини уриб, калтаклаб, видеотасвирга олган ва эрига жўнатган.
Мазкур ҳолат юзасидан ҳозирги вақтда Жондор тумани Ички ишлар бўлими томонидан терговга қадар текширув ҳаракатлари олиб борилмоқда.
