Дани Алвес Испания полицияси томонидан ҳибсга олинди
Унга жинсий зўравонлик айби қўйилмоқда.
Машҳур бразилиялик футболчи Дани Алвес Испания полицияси томонидан Барселонада жинсий зўравонлик айби билан ҳибсга олинди. Бу ҳақда Испаниянинг Марcа нашри хабар бермоқда.
Манбага кўра, Барселонадаги тунги клубда бир қизга жинсий тажовуз қилганликда айбланган футболчи полиция машинасида олиб кетилган. Бразилиялик футболчининг келажаги ҳақида қарор энди қабул қилинади. Аввалроқ Алвес полиция бўлимида кўрсатма берган эди. Қайд этилишича, футболчини қамоққа юбориш варианти даргумон.
Тахминларга кўра, воқеа 30 декабрь куни содир бўлган. 2 январь куни полицияга расман шикоят қилинган. Футболчи ва унинг атрофидагилар бу айбловларни рад этишмоқда.
