Дельта штамми доминантга айланади
Дунё бўйлаб сўнгги 60 кун ичида қайд этилган 900 минг коронавирус ҳолатларининг деярли барчаси Дельта штаммига тегишли.
Коронавируснинг Дельта штамми барча ҳолатларнинг 99 фоизини ташкил қилади ва бутун дунё бўйлаб доминант вариантга айланди. Бу ҳақда Жаҳон соғлиқни сақлаш ташкилоти техник директори Мария Ван Керхове маълум қилди, деб ёзади СНБС.
Унинг сўзларига кўра, дунё бўйлаб сўнгги 60 кун ичида қайд этилган 900 минг коронавирус ҳолатларининг деярли барчаси Дельта штаммига тегишли. Ташкилот вакилига кўра, Европада коронавирусдан ўлим кўпайган.
Дунёда эса сўнгги тўрт ҳафтада кетма-кет COVID-19 билан касалланганлар сони ортган. Бу ҳолат бевосита мазкур штаммнинг доминантга айланаётгани билан боғлиқ.
Аввалроқ Россия олимлари коронавирус тарқалишини тўхтатадиган янги моддани аниқлашгани ҳамда Туркияда уч кишида Дельта плус штамми аниқлангани ҳақида хабар берилганди.
Насиба Тўхтаева
