Доминикан Республикасида тўрт кунлик иш ҳафтаси жорий этилади
Маошлар иш вақтининг қисқаришига қарамай, камайтирилмайди.
Доминикан Республикаси тўрт кунлик иш ҳафтасини жорий этиш бўйича тажриба ўтказади. У 1 февралдан бошланади, дейилади президент маъмурияти сайтида.
Иш ҳафтаси 44 соатдан 36 соатга қисқартирилади. Тажриба режимида йўлга қўйиладиган лойиҳада бундай қадамнинг ходимлар ва иш берувчилар учун қанчалик фойдали бўлиши синовдан ўтказилади.
Қисқартирилган иш ҳафтаси уч ой давом этади, қолган вақтда мутахассислар маълумотларни тўплайди ва таҳлил қилади. Ишчиларнинг иш ҳақи, иш вақтининг қисқаришига қарамай, камайтирилмайди.
