Энди қозоғистонликларнинг мобил ўтказмалари текширилади
Бугундан ҚР Молия вазирлигининг Давлат даромадлари қўмитаси жисмоний шахсларнинг банк ҳисоб рақамлари ўртасидаги мобил пул ўтказмаларини мониторинг қилишни бошлайди.
Бир шахс томонидан жисмоний шахс сифатида очилган банк ҳисоб рақамига 3 ойда 100 ёки ундан ортиқ кишининг банк ҳисобварағидан пул ўтказилса, касбий фаолиятдан олинадиган фойда ҳисобланади.
ҚР Молия вазирининг тегишли буйруғи бугундан кучга кирди. Солиқ қонунчилигига мувофиқ, мобил ўтказмалардан фойдаланишдаги ўзгартиришлар, жисмоний шахсларнинг индивидуал ўтказмаларини (тадбиркорлик мақсадларида амалга ошириладиган мобил тўловлардан) ажратишга мўлжалланган.
