Фақат қурол эмас. АҚШ Украинага контейнер етказиб бермоқчи
Бундан кўзланган мақсад очиқланди.
АҚШ Украинага дон сақлаш учун махсус контейнерлар бериши мумкин. Бу ҳақда CNN телеканали Америка администрациясидаги манбаларига асосланиб хабар берди.
Унга кўра, Вашингтон 20 миллион тоннага яқин ғаллани асраб қолишни мўлжаллаган. Шунинг учун Киевга дон сақлаш учун махсус қоп ёки қутилар етказиб бериш кўриб чиқилмоқда. Бу келгусида буғдойни поезд ёки юк машиналарига ортишни енгиллаштиради.
АҚШ давлат котиби Энтони Блинкеннинг қайд этишича, Россия Одесса портида буғдой ортилган 85 та кемани блоклаб қўйган.
Аввалроқ Вашингтоннинг Россиядан буғдой экспортини қўллаб-қувватлаши маълум қилинганди.
