Фарғона вилояти Давлат солиқ бошқармаси инспектори ЙТҲда ҳалок бўлди
У 4 февраль куни "Lacetti русумли автомашинасида бахтсиз ҳодисага учраган.
Фарғона вилояти давлат солиқ бошқармаси бош инспектори Музаффар Холмирзаев ЙТҲ оқибатида вафот этди. Бу ҳақда вилоят ДСБ хабар берди.
Маълум бўлишича, у 4 февраль куни "Lacetti русумли автомашинасида бахтсиз ҳодисага учраган.
Ушбу воқеа ҳақида хабар топгач, дарҳол бошқарма раҳбарияти ва бўлимдаги ходимлар дастлаб воқеа жойига, ундан сўнг эса Республика шошилинч тиббиёт илмий маркази Фарғона филиалига етиб боришган.
"Афсуски, тиббиёт ходимлари томонидан тезкорлик билан кўрилган чораларга қарамай ушбу ходим вафот этди.
Бошқарма раҳбарияти ва ходимлари марҳумнинг хонадонида бўлиб, унинг оила аъзолари ва яқинларига таъзия билдирди", — дейилади хабарда.
Эслатиб ўтамиз, яқинда Фарғонада банк ходимаси хизмат вақтида вафот этганди. Шунингдек, Қашқадарёда банк ходимининг калтаклангани ҳақида хабар берилганди.
