Фликни Германияда нега қолди?

 

“Бавария” президенти Герберт Хайнер Германия футбол ассоциациясининг Ханси Фликни Германия терма жамоаси бош мураббийи лавозимида қолдириш ҳақидаги қарори ҳақида гапирди.

 

“Икки йилдан камроқ вақт ичида Европа чемпионати бўлиб ўтади. Германия футболи бирлашиши керак. Биз салбий ҳолатга тушмаслигимиз шарт. Менимча, Фликни терма жамоада қолдириш қарори тўғри бўлди. Нега? “Бавария”да Флик совринларни қўлга киритишга қодир эканлигини кўрсатди. Бу аниқ вазифа. Германия терма жамоаси йирик турнирларнинг плей-офф босқичида ўйнаши ва ўз стандартларига кўра, совринлар учун кураша олиши керак. Биз ўз уйимиздаги Европа чемпионатига катта имконият сифатида қарашимиз керак. Мухлислар 2006 йили Германияда бўлиб ўтган жаҳон чемпионатини унутилмас турнирга айлантирди. Энди биз бу атмосферани қайта тиклашимиз керак”, — деди Хайнер.