Грузиялик параатлет Токиодан “бадарға» қилинди
Дзюдо бўйича Грузия Паралимпия терма жамоаси азоси Звиад Гогочури 2020 йилги ўйинлар учун аккредиациядан маҳрум қилинди.
Бунга спортчининг Токиодаги меҳмонхона ходимига ҳужум қилиб, оғир тан жароҳат етказгани сабаб бўлди. У шу тариқа Токиони мусобақа бошланмасидан аввал тарк этди. Грузиялик спортчи 2016 йилда Рио-де-Жанейрода бўлиб ўтган ёзги Паралимпия ўйинларида 90 кг, вазн тоифасида олтин медални қўлга киритган эди.
Эслатиб ўтамиз, Токио Паралампиадасига 24 август куни расман старт берилади. Мусобақа 5 сентябрга қадар давом этади.
Жамшид Амиров
