Ҳиндистоннинг Ҳимолой тоғларида йўл қурилиши билан шуғулланган 57 ишчи қор кўчкиси остида қолиб кетди. Хабарларга кўра, ҳозиргача 16 киши қутқарилган, аммо 41 нафар ишчидан ҳамон дарак йўқ.
Маҳаллий полиция вакилларининг маълум қилишича, қутқарилганларнинг аҳволи оғир, уларга шифокорлар тиббий ёрдам кўрсатмоқда. Шу билан бирга, қутқарувчилар бедарак йўқолган ишчиларни излашда давом этмоқда.
Ҳаво шароитининг мураккаблиги ишни қийинлаштираётган бўлсада, махсус хизматлар зарур ҳолатларда вертолётлардан фойдаланишга тайёрлигини билдирган. Қутқарув операцияси тўхтовсиз давом этмоқда.