Ҳиндистондаги кўнгилочар масканда ёнғин юз берди
Оқибатда 20 дан ортиқ инсон ҳалок бўлган.
Ҳиндистоннинг Гужарат штатидаги автомат ўйинлар марказида ёнғин содир бўлди. Бу ҳақда мамлакат ички ишлар вазирлиги хабар берди.
Ҳодиса оқибатида камида 24 киши ҳалок бўлгани айтилмоқда. Қурбонлар орасида тўққиз нафар бола ҳам бор.
Маҳаллий полиция ёнғинга алоқадорликда гумон қилинган уч кишини, жумладан, ўйин майдончаси эгасини ҳибсга олди. Воқеа жойида саккизта ўт ўчириш бригадаси ишламоқда, ёнғин назоратга олинган.
Ҳозирда қутқарувчилар вайроналарни тозалашга киришган, қурбонлар сони яна ортиши мумкинлиги хабар қилинмоқда.
