“Ҳумо Арена”даги концертга яна сохта билет сотилдими?
Тармоқда тарқалган хабарларга расмий изоҳ берилди.
Ижтимоий тармоқларда Хумо Аренада ўтказилиши режалаштирилган Macan концерт дастури учун сотилган билетлар сохта экани айтилган хабарлар тарқалди. Ҳолат юзасидан Миллий гвардия расмий муносабат билдирди.
Қайд этилишича, киришдаги чипталар текшируви жараёни “Iticket” ходимлари томонидан махсус сканер қурилмасининг “QR-код”и орқали текширилиб киритилган.
Аммо баъзи бир фуқаролар қурилмани алдашга уринган ва аввал саройга кириб бўлган танишларининг чипталари билан такроран киришга уринишган. Ўз-ўзидан маълумки, бундай чипталарга эга бўлган фуқаролар назорат ўтиш жойидан ичкарига қўйилмаган.
Миллий гвардия ва ички ишлар ходимлари томонидан ушбу фуқаролар билан тушунтириш ишлари олиб борилган ва жамоат тартиби сақланган.
