«Жамоа Криштианусиз ҳам ғалаба қозонишга тайёр»
Португалия термаси устози кечаги ғалаба ҳақида гапирди.
Роберто Мартинеснинг фикрича, Португалия Криштиану Роналдусиз ғалаба қозонишга тайёр.
Бугун Португалия Люксембургни 9:0 ҳисобида мағлуб этиб, ўз тарихидаги энг йирик ғалаба эришди. Роналду сариқ карточкалари кўп бўлгани учун португалияликлар сафида майдонга тушмади. Жамоа мураббийи эса журналистларнинг бир қатор саволларига жавоб берди.
Роналдусиз терма жамоа яхшироқ ўйнаяптими?
- Йўқ. Криштиану бу жамоанинг жуда муҳим қисми, худди Пепе каби. Уларнинг даражаси ва ўйин услуби юқумли ва жамоага муҳим қиймат беради. Бошқа футболчиларга ҳам имконият беришимиз керак, Рамуш ҳам, Жота ҳам нимага қодирлигини кўрсатди. Роналду тажрибали, ўзига хос, унга шубҳа қилишнинг ҳожати йўқ. Аммо бу жамоа Криштианусиз ҳам ғалаба қозонишга тайёр, – деди Португалия терма жамоаси устози.
