Шавкат Мирзиёев Анқарадаги амалий ташрифини якунлаб, Тошкентга жўнаб кетди
Ташриф давомида Эрдоған билан учрашув, Туркий давлатлар ташкилоти саммити ва бизнес музокаралари бўлиб ўтди.
Ўзбекистон Президенти Шавкат Мирзиёев Анқара шаҳрига амалий ташрифини якунлаб, Тошкентга жўнаб кетди.
«Этимесгут» аэропортида давлат раҳбари ва рафиқасини Туркия Республикаси савдо вазири Ўмер Болат ҳамда бошқа расмийлар кузатиб қўйди.
Ташриф давомида Ўзбекистон етакчиси Туркия Президенти Режеп Таййип Эрдоған билан учрашди ҳамда Туркий давлатлар цивилизацияси боғининг очилиш маросимида иштирок этди.
Шунингдек, Туркий давлатлар ташкилотининг навбатдаги саммитида қатнашиб, кўп томонлама шерикликни янада кенгайтиришнинг устувор йўналишларини белгилаб берди ва қатор муҳим ташаббусларни илгари сурди.
Ташриф доирасида Туркиянинг етакчи компаниялари раҳбарлари билан ҳам икки томонлама учрашувлар ўтказилди.
