Жапаров Мустақиллик монументи пойига гул қўйди
Мажмуа Қирғизистон делегациясида катта таассурот қолдирди.
Ўзбекистон Республикаси Президенти Шавкат Мирзиёевнинг таклифига биноан давлат ташрифи билан мамлакатимизда бўлиб турган Қирғиз Республикаси Президенти Садир Жапаров Бош вазир Абдулла Арипов ҳамроҳлигида “Янги Ўзбекистон” боғида бўлди ва Мустақиллик монументи пойига гул қўйди.
Олий мартабали меҳмон мажмуа меъморий ечимлари ҳамда композициясининг мазмун-моҳияти ва хусусиятлари билан танишди. Мажмуа Қирғизистон делегациясида катта таассурот қолдирди.
Қайд этиш жоиз, мамлакатимизга ташриф буюраётган Олий мартабали меҳмонларнинг Президентимиз Шавкат Мирзиёев ташаббуслари билан барпо этилган ушбу муҳташам мажмуа билан танишуви анъанага айланган.
