Жефф Безос ой модули учун 2 миллиард доллар беради
Amazon асосчиси ва Blue Origion хусусий космик компаниясининг эгаси Жефф Безос НАСАга ой модули учун шартнома эвазига 2 миллиард долларгача харажатларни қоплашни таклиф қилди.
Маълум қилинишича, Blue Origion компанияси 2 миллиард доллар миқдорида ландер яратиш дастури бўйича бюджет камомадини яқин икки йил ичида тўлдиришга тайёр.
Шунингдек, Blue Origion компанияси астронавтлар учун хавфни камайтириш мақсадида компания ҳисобидан қўниш элементини ишлаб чиқиш ва ишга туширишда иштирок этишни таклиф қилмоқда. Бунинг учун кетадиган харажатлар эса 1 миллиард доллардан ортиқроққа баҳоламоқда.
Компания белгиланган нарх билан шартнома тузишни ва барча ортиқча харажатларни қоплашни таклиф қилди.
Насиба Тўхтаева
