Қайд этилишича, жарроҳлик амалиёти 16 сентябрда амалга оширилган. Беморнинг 28 ёшли рафиқаси ўз жигарини турмуш ўртоғига ўтказилишига рози бўлган. Операция давомийлиги техник қийинчиликлар билан 14 соат мобайнида ижобий якунланган, операциядан сўнг ҳам беморнинг соғлиғи яхши бўлган. Аммо, 29 сентябрь куни бемор вафот этди.
Маълум қилинишича, жарроҳлик амалиётига бошчилик қилган жарроҳ, профессор Миршавкат Акбаров вазиятни қуйидагича изоҳлади:
Барча операциялар ҳам ўзига яраша асоратлар билан кечади. Жигар операциясида ҳам 75% асоратлар бўлади. Лекин бу асоратларнинг ҳаммаси ҳам ўлим билан тугайди дегани эмас.
Шунингдек, бемор Аҳмедов Ўктамнинг трансплантациядан кейин 5-6 кунгача аҳволи яхши бўлган. Анализлари нормаллашгач, реанимация хонасидан палатага кўчирилган. Афсуски, еттинчи куни беморда бирданига гемоглобин тушиб, аҳволи оғирлашади. Тезкор текширувлар натижасида, ошқозонда гепатаген яра пайдо бўлган ва ундан прафуз қон кета бошлаган.. Бемор иммунитети бегона орган ҳисобланган жигарни қабул қилиши учун иммунитетни туширишга яна қўшимча дорилар қилинган.
Маълумотларга кўра, бундай дориларнинг, токсик таъсири мавжуд бўлиб бу беморда энсофолопатияни келтириб чиқарди. Оқибатда беморга қон ва қон препаратларининг қуйилиши натижасида артериал тромбоз келиб чиққан. Ва уни даволаш учун яна 7 соатлик операция бўлиб ўтди. Беморнинг аҳволи мунтазам назорат қилиб борилган. Бемор буйрак ва юрак етишмовчилиги, сийдик йўлларидаги муаммолар туфайли вафот этган.
Маълумот ўрнида: бугунги кунда жигар трансплантацияси давлат томонидан молиялаштирилиб келинмоқда.
Эслатиб ўтамиз, аввалроқ 2022 йил якунигача барча ҳудудда буйрак трансплантацияси амалиёти йўлга қўйилиши ҳақида хабар берилганди.
Чўлпоной Аҳмедова