Канадада Либерал партия етакчиси лавозимига собиқ Марказий банк раҳбари Марк Карни сайланди. У 85,9 фоиз овоз билан собиқ молия вазири Христия Фрилендни ортда қолдирди. Ушбу қарор Жустин Трюдонинг истеъфосидан кейин мамлакат сиёсатида муҳим бурилиш ясаши кутилмоқда.
Марк Карни АҚШ Президенти Доналд Трампнинг Канадага нисбатан иқтисодий таҳдидларига жавоб беришини таъкидлади. У Канаданинг мустақиллиги ва иқтисодий манфаатларини ҳимоя қилишга ваъда берди. Трамп томонидан қўлланилган савдо санкцияларига нисбатан кескин чора кўришини маълум қилди.
Карнининг асосий мақсади – мамлакатда иқтисодий барқарорликни сақлаб қолиш ва иқтисодий инқироз шароитида кучли сиёсий етакчилик кўрсатиш. У яқин кунларда парламент сайловларини эълон қилиши кутилмоқда, бу эса унинг лавозимини расмий мустаҳкамлаш йўлида муҳим қадам бўлади.