Коста-Рика яқинида самолёт йўқолиб қолди
Унда германиялик миллионер ва унинг оиласи бўлган.
Германиянинг энг йирик фитнес клублари тармоғи асосчиси Раинер Шаллернинг шахсий самолёти Коста-Рика яқинида ғойиб бўлди. Самолёт билан алоқа шанбага ўтар кечаси узилиб қолган.
“Коммерсант” нашрининг ёзишича, миллионер билан бирга самолётда хотини ва икки фарзанди бўлган.
Самолёт 21 октябрь, жума куни Мексикадан ҳавога кўтарилган ва Коста-Рикага йўл олганди. Кейинчик у радарлардан йўқолиб қолган. Самолёт билан алоқа узилганидан сўнг қирғоқ қўриқлаш ва ҳаво кузатуви хизмати иштирокида фавқулодда ҳолат протоколи ишга туширилган.
Эслатиб ўтамиз, Раинер Шаллер 1996 йилда “McFit” фитнесс клублар тармоғига асос солган. Клубнинг Германия, Австрия, Италия, Полша ва Испанияда 250 га яқин филиаллари мавжуд.
