Мамлакат Mудофаа вазири Артис Пабрикснинг айтишича, бу қўшни республикадан келаётган ноқонуний мигрантлар оқимини тўхтатишга ёрдам беради.
Пабрикс махсус симларни Словения совға қилганини таъкидлаган.
"Спутник" нашри Латвия ва Литвада тиконли симлар нархи кескин ошганини маълум қилди. Хусусан, Латвия 111 км узунликда махсус воситага буюртма берган, аммо энг сўнгги паллада бу симлар Литва томонидан "илиб кетилди".
Ҳар икки давлат, шунингдек, Польша Беларусь билан чегарада жиддий миграцион инқирозни бошдан кечирмоқда. Ҳозирда бу уч давлат Беларусь билан туташ ҳудудларда фавқулодда вазият жорий этган. 2021 йил май ойида Лукашенкога қарши санкциялар кучайтирилгандан сўнг Беларусь раҳбари мигрантларнинг ЕИга ўтиб кетишига тўсқинлик қилмаслигини маълум қилган эди.
Эслатиб ўтамиз, аввалроқ Польша Беларусни чегарадаги вазият юзасидан айблаб чиққанди.
Жаҳонгир Қўзиев