Аргентиналик ҳужумчи Лионел Месси МЛС ижтимоий тармоғи Х (собиқ Тwitter) талқинига кўра МЛСнинг энг яхши янги футболчиси совринини қўлга кирита олмади.
Унда “Атланта Юнайтед”нинг грек ҳужумчиси Георгиос Якумакис ғолиб чиқди. МЛСнинг жорий мавсумида Якумакис 28 ўйин ўтказиб, 17 та гол урди.
Форвард 2023 йилнинг февралида жамоага келиб қўшилганди. Футболчининг клуб билан шартномаси 2026 йилгача мўлжалланган.
Мукофот учун Мессидан ташқари "Сент-Луис Сити" вакили Эдуард Люен ҳам кураш олиб борди. Эслатиб ўтамиз, Месси ёзги трансфер ойнасида эркин агент сифатида “Интер Маями”га ўтган эди.