Украина президенти Владимир Зеленский икки йил ичида биринчи марта Беларусь расмий раҳбари Александр Лукашенко билан телефон орқали мулоқот қилди. Зеленский суҳбат узоқ ва жуда мазмунли бўлганини таъкидлади.
"Мен унга тўқнашувимиз мумкин эмаслигини батафсил тушунтирдим. Беларусдан Украинага ракеталар, самолётлар, вертолётлар учишини хоҳламайман. Беларусдан Украинага қўшинлар боришини хоҳламайман. Ва Лукашенко мени бунга ишонтирди", - дейди Зеленский.
Унга кўра, Лукашенко Украина ва Россия делегацияларини Припят дарёсида ҳеч қандай шартларсиз учрашишларини сўраган.
"Президент сифатида менинг вазифам - давлатимизни ҳимоя қилиш. Сиз эса мана шу оғир кунларда биз бу вазифани қандай бажараётганимизни кўрдингиз", - дея хулоса қилди Зеленский.
Маълумотларга кўра, Лукашенко Украина делегациясининг сафари, музокаралари ва қайтиши вақтида Беларусь ҳудудида жойлашган барча самолётлар, вертолётлар ва ракеталар ерда қолиши масъулиятини ўз зиммасига олди. Аммо суҳбатдан кўп ўтмай Беларусдан Украина томон ракеталар учирилган. Улар Житомир аеропорти ҳудудида портлади.