Макрон Зеленский илтимосига кўра, Путинга қўнғироқ қилди
Бундан кўзланган мақсад очиқланди.
Франция президенти Эммануэль Макрон Владимир Путин билан телефон орқали мулоқот қилди. Бу ҳақда "ТАСС" хабар берди.
"Президент Путин билан тезкор ва тўғридан-тўғри очиқ мулоқот қилдим", — деган Макрон. Унинг сўзларига кўра, телефон музокарасидан кўзланган мақсад "имкон қадар тезроқ ҳарбий ҳаракатларни тўхтатиш" бўлган.
Франция раҳбари Путинга телефон қилишни шахсан Владимир Зеленский илтимос қилган.
Маълумот ўрнида: Россия 24 февраль куни Украина шарқида махсус операция ўтказишни бошлади. Ҳозирда Украинанинг кўплаб ҳарбий объектларига авиазарбалар берилган.
Аввалроқ БМТ бош котиби Путиндан ҳарбий ҳаракатларни тўхтатишни сўраганди.
