Журналист Фабрицио Романонинг ижтимоий тармоқларда хабар беришича, футболчи Мадридда тўққизинчи рақамда ўйнайди. Қайд этилишича, Мбаппе "Реал"дан унга ўнинчи рақамни тақдим этишни сўрамаган. Килиан келаси мавсум учун шартномасини узайтирган ярим ҳимоячи ва клуб афсонаси Лука Модрични ҳурмат қилади.
2024 йил 3 июнь куни “Реал Мадрид” Килиан Мбаппе билан шартнома имзолаганини эълон қилди.
Футболчининг "Реал" билан шартномаси 2029 йилгача мўлжалланган. Ўтган мавсумда франциялик ҳужумчи "ПСЖ" сафида 48 та ўйин ўтказиб, 44 та гол урди ва 10 та голли узатмани амалга оширди. Нуфузли Трансфермаркт интернет портали франциялик форварднинг нархини 180 миллион еврога баҳоламоқда.