АҚШ президенти Жозеф Байденнинг шахсий суҳбатларда Европа раҳбарлари ҳақидаги фикрлари эълон қилинди.
Бу ҳақда NBC Оқ уйдаги манбаларига таяниб хабар берди.
Унга кўра, Байден Украина инқирози фонида Европада тобора унга “таниш чеҳралар” тобора камайиб бораётганини маълум қилган. Телеканалнинг таъкидлашича, АҚШ етакчиси Россия хатти-ҳаракатларига қарши мувофиқлаштирилган жавоб қайтаришда НАТО давлатларнинг турли позициялари туфайли қийинчикка дуч келган.
Шу билан бирга Байден Европадаги ҳамкасблари ҳақида бир қанча ҳазиломуз фикрлар билдирган. Хусусан, у Германия янги канцлери Олаф Шольц Ангела Меркелдан бутунлай фарқ қилишини, Франция етакчиси Эммануэль Макрон эса янги Шарл де Голлга айланмоқчи эканини қайд этган.
(де Голль иккинчи жаҳон урушида фашистлар Германиясига қарши курашган, Франция бешинчи республикаси асосчиси, 1959-1969 йилларда президент бўлган. у ҳозирда Франция энг янги тарихидаги энг машҳур шахслардан ҳисобланади).
Байден Буюк Британия бош вазири Борис Жонсонни “тўлқинли феъл-атвор” эгаси сифатида баҳолаган.
Эслатиб ўтамиз, аввалроқ Байден-Шольц музокаралари тўғрисида хабар берилганди.
Жаҳонгир Қўзиев