Месси жароҳати сабаб "Интер Маями" ўйинини ўтказиб юборади
У ҳамон тикланишда давом этмоқда.
Аргентина терма жамоаси ва Маямининг "Интер" клуби ҳужумчиси Лионел Месси ўз клубининг МЛС Америка лигасидаги навбатдаги ўйинини ўтказиб юборади.
Эртага, “Интер Маями” “Нью-Йорк Сити” билан ўйин ўтказади, бироқ аргентиналик футболчи аввалроқ олган жароҳати туфайли унда иштирок этмайди. 36 ёшли футболчи Аргентинанинг Салвадор ва Коста-Рикага қарши иккита ўйинини ўтказиб юборган ва тикланишда давом этмоқда.
Жорий мавсумда Месси барча мусобақаларда бешта учрашувда иштирок этиб, бешта гол ва иккита голли узатмага муаллифлик қилди.
