Модрич мавсум охирида "Реал"ни тарк этади
У ўз рақамини Мбаппега топширади.
"Реал Мадрид"нинг 38 ёшли марказий ярим ҳимоячиси Лука Модрич жорий мавсум охирида шартномаси тугагач, "Қироллик клуби"ни тарк этади.
Манбага кўра, хорватиялик футболчи ўйнаган 10-рақами жорий мавсум якунида "ПСЖ"дан кетишини эълон қилган ҳужумчи Килиан Мбаппега топшириади. Аввалроқ, ОАВда франциялик футболчи мадридликлар клуби билан 2029 йилгача амал қиладиган шартнома имзолагани ҳақида маълумот пайдо бўлганди.
Эслатиб ўтамиз, Модрич 2012 йилдан бери "Реал"да ўйнаб келмоқда. Бу даврда у барча турнирларда 530 та учрашувда қатнашиб, 39 та гол ва 85 та голли узатмани амалга оширган.
