Россия ва Қозоғистон иқтисодий суверенитетга асосланган ўзаро манфаатли савдо-иқтисодий муносабатларни ривожлантириш ниятида. Бу ҳақда икки давлат ўртасида дипломатик муносабатлар ўрнатилганининг 30 йиллиги муносабати билан қабул қилинган декларациянинг 24-бандида сўз боради.
“Россия ва Қозоғистон ўз халқлари фаровонлигини ошириш мақсадида иқтисодий суверенитет, технологик ва озиқ-овқат хавфсизлигига асосланган ўзаро манфаатли савдо-иқтисодий муносабатларни ривожлантиради”, — дейди Россия президенти Владимир Путин.
Шунингдек, икки давлат ҳукуматлари ўртасида 2021-2025 йилларга мўлжалланган иқтисодий ҳамкорлик комплекс дастурини амалга ошириш бўйича ҳаракатлар давом этади.
Давлатлар минтақалараро ва чегара алоқаларини мустаҳкамлашда ҳам давом этади. Шу муносабат билан 2021-2023-йилларга мўлжалланган ҳудудлараро ва чегаравий ҳамкорлик дастурини амалга оширишга алоҳида эътибор қаратилади.